Потребителски вход

Запомни ме | Регистрация
Няма описание.
Автор: papata1962 Категория: Политика
Прочетен: 317152 Постинги: 132 Коментари: 311
Постинги в блога
<<  <  3 4 5 6 7 8 9  >  >>
29 јули 2007 г.

Социјалдемократскиот сојуз на Македонија остро протестира за начинот на кој се води борбата против корупцијата и организираниот криминал.

image

СДСМ ја поддржува вистинската борба против криминалот и корупцијата.
Категория: Политика
Прочетен: 439 Коментари: 0 Гласове: 0
Непризнатиот од сите актуелен претседател на РМ, г-нот Бранко Црвенковски си призна уште една своја грешка, која и не е некоја голема грешка, ама поради неа се чувствувал понижено, а ја понижил и РМ. Демек, непотребно се одзвал на последната покана од амбасодорката на САД г-ѓа Џулијан Миловановиќ и претставникот (амбасадорот) на ЕУ во РМ г-нот Ерван Фуере.

image

Умешните дипломати навистина најдоа убав и учтив „повод“ на својата „приватна забава“, на која беа поканети сите најзначајни политички „репрезентативци“ на РМ, да им одржат „политички час“ на дел од своите гости. Да беше фален, а не укоруван, г-нот Бранко Црвенковски секако немаше јавно да тврди дека згрешил што присуствувал на оваа „советување“ за функционирањето, или нефункционирањето на т.н. независно судство во РМ со кое тој и СДСМ се фалеа на претходните избори.
Категория: Политика
Прочетен: 1230 Коментари: 0 Гласове: 0
Замислете си, Вие сте премиер во држава со над дваипол милјони жители од кои околу 370.000 се невработени, а некој „голем“ директор на некоја “светска компанија“ Ви предлага: дај те ми шанса да привлечам странски инвеститори, за неколку години значително ќе го намалиме бројот на невработените. – Што ќе правете, како ќе постапите?

image

Јас прво „ќе му ги преслушам“ аргумените, потоа би си направил споредба со тоа колку пари се потрошени за оние две години додека важеше т.н. Бранков закон, а колку имаше нови вработувања од тој закон. Поголема промашена инвестиција за нови вработувања од т.н. Бранков закон во „транзициона“ Македонија немало. Сетне, ако не ризикуваш, секако нема да направиш промашена инвестиција, ама и сигурно нема ништо да добиеш. Значи, на погоре изнесениот хипотетичен предлог „ќе си ја пробам среќата“, затоа што секогаш нема загарантирана добивака.

image

Думата ми е за господинот Глигор Ташковиќ, можеби сеуште е рано (22 јули 2007 г. ) да се суди за резултатите од неговиот ангажман.

image

P.S.

Пратеникот на СДСМ Иван Ивановски - Шема во изнесувањето на својата опозиционерска оценка дека немало позитивни резултати од официјалната посетата на Катар од страна на министерот Ташковиќ, премолча две работи. Помалку значајната, дека во таа делегација, освен г-нот Ташковиќ беше и вицепремиерот Живко Јанкуловски, поранешен член на СДСМ, а сега на НСДП. И позначајната работа, - зошто г-нот Шема не се пофали со резултатите од официјалната посета на Катар од поранешната министерка Илинка Митрева? Секао г-ѓата Илинка Митрева не беше во приватна „туристичка посета“ на фришоповите во Катар!

image

image

image

image

image
Категория: Политика
Прочетен: 586 Коментари: 0 Гласове: 0
Сезонски репертоар на албански јазик:
За ова сезона на македонско-албанските партиски игри, ДУИ и ДПА како национална коалиција изнесоа сложно само две барања: воведување на албанскиот јазик како вотор службен јазик во државните институции и задолжително состваување Влада на РМ „по Бадентер“, т.е. федеративното или конфедеративното уредување.

image

ДУИ декларираат дека се за: Македонија - Белгија на Балканот. А, во Белгија „нема абер“ од раздружување, исто и како во објаснувањето на мотивите на ДУИ за „воениот конфликт“. Та, нели Али Ахмети не убедуваше дека „воениот конфликт“ се разгорел затоа што тој не се согласил со предлогот на г-нот Љубчо Георгиевски за поделба на Македонија?

image

Дали новиот претседател на ДПА, г-нот Мендух Тачи прво се согласи, а после се пишмани, за последниот предлог на г-нот Љубчо Георгиевски за „спас на Македонија“ во реализацијата на идејата за Велека Албанија, засега останува енигма.

Со г-нот г-нот Арбен Џафери како претседател на ДПА бевме „на чисто“, не криеше дека се залага за најдобар соживот со Македонците затоа што само така може да се реализира неговата синтагмата за консезуална демократија, која значи само едно: Македонија - Чехословачка на Балканот. Во контекст на неговата искреност, нема основа да се сомневаме дека искрено згрешил кога го притиснал погрешното копче кога гласаше за недоверба на кабинетот на Премиерот Никола Груевски.

Сезонски репертоар на македонски јазик:

Римејк на СДСМ-овскиот евергрин: Шо ќе ми е држава, ако немам партија на власт?

Увертира: Поттикнувањето на ДУИ да го напушти Собранието на РМ не само што не ги даде посакуваните резултати за СДСМ, туку, дури ДУИ не гласаше за предлозите на „лицето Б.Ц“ за судскиот совет, иако тоа претходно му го ветил г-нот Али Ахмети. Токму поради ова ситуација на несупешна кохабитација, можеме уште сега да го поставиме прашањето: - на следните претсеателски избори за кого ќе гласа ДУИ? Одговорот на поставеното прашање секако зависи и од идната кохабитација меѓу ДУИ и ВМРО-ДПМНЕ.

image


Чин први: Непријателот на мојот непријател е мој пријател, секогаш и на секаде. Колаборацијата на СДСМ со г-нот Мендух Тачи за реализацијата на идејата на г-нот Љубчо Георгиевски за „спас на Македонија“ во Велика Албанија, беше со цел г-нот Никола Груевски да оди на средба со г-нот Џорџ Буш како „детрониран“ премиер чија политика нема подршка од мнозинството пртеници во Собранието на РМ. Во СДСМ се надеваа во таа колаборација дека ќе покажат и докажат дека само СДСМ е способен да осигури политичко спокојство во РМ, а всушност се впуштија во акција за која немаат капацитет да ја контролираат. Резултат: пад на рејтингот на СДСМ, пад на рејтингот на НСДП со тенденција кон исчезнување, претварање на ВМРО-НП во „изгубен случај“, а раст на рејтингот на ВМРО-ДПМНЕ и ДПА. Бинго и Џек Пот за г-нот Мендух Тачи.

Чин втори: Во СДСМ сметат дека не може да ги откријат оти играат прикаската: „Волк! Волк!...“, т.е. - ако креваме пискотници од Галичник до Гевгелија, белким ќе почнат граѓаните да ни веруваат.

Чин трети: Пуштање на старата грамофонска плоча: СДСМ се патриотите, а ВМРО-ДПМНЕ предавниците.

image

Несодветна реакција на СДСМ од резулататите во преговорите меѓу ДУИ и ВМРО-ДПМНЕ. Содржината, евидентраната од „европејците“ и „американците“, за постигната согласност меѓу ДУИ и ВМРО-ДПМНЕ за поставување на дневен ред во Собранието на предлог закони или измени на закони стана достапна за лидерите и на другите партии. А, интелегентната лидерка на СДСМ несоновано го обвини ВМРО-ДПМНЕ дека со ДУИ склучил или потпишал некаков „Скопски договор“, кој, според измислиците на СДСМ, во суштина значел менување на Уставот на РМ. Соработниците и советниците на г-ѓа Шекеринска во случајот секако изумиле дека мнозинството од македонските граѓани не се толку глупави колку што си замислуваат во пропагандниот штаб на СДСМ. За менување на Уставот на РМ еден од условите е иницијаторот да има обезбедено 2/3 мнозинство или 80 пратеници. Не треба да си асистент на Машинскиот факултет во Скопје за да знаеш да собереш 38 + 16 + 11 = 65. Значи, ВМРО-ДПМНЕ со 38 пратеници, ДУИ и ПДП тогаш со 16 пратеници и ДПА со 11 пратеници, при здрав ум и разум, не можат ниту да помислат дека со 65 пратеника можат да го сменат Уставот на РМ. Деновиве изгледа пропагандниот штаб на СДСМ ја разбра народната поговорка: „Брза кучка, слепи кучиња раѓа“ па г-ѓа Шекеринска веќе не се обидува да манипулира со нивната глупава измизлица наречана „Скопски договор“. Затоа лидерката на СДСМ избега од поканата за лидерската средба со г-нот Груевски на која беше поканета пред јавноста „да му го тресне по нос“ нејзиниот „Скопски договор“. Ама, сега не може ниту таа, ниту пратениците на СДСМ да избегат од иницијативата на г-нот Оровчанец за веќе закажаната в понеделник итна седница на Собранието на РМ на која г-нот Грувески ќе го демистофицира „Скопскиот договор“ измилсен од пропагандната кујна на СДСМ.

image

Не помала грешка на пропагандниот штаб на лидерката на СДСМ беше тврдењето дека имало таен договор ВМРО-ДПМНЕ и ДИУ, небаре законите тајно се носат во Собранието на РМ. Ако беше така тајно како што тврди СДСМ, тогаш за новиот деловник како СДСМ првиот пат поднесе околу 3000 амандмани, а сега околу 2000 амандмани? Дали од ЦИА, дали од КГБ, ѓ-та Шекеринска го дознава „тајниот“ дневен ред на Собранието составен согласно измислениот од неа „Скопски договор“?

Следствено, само по себе се наметнува и пашањето: - кој има „детска градинка“ околу себе, г-нот Груевски, или г-ѓа Шекеринска?

Најзначајните престави од летните партиски игри допрва ќе се одиграт. Сега за сега навистина нема криза на македонската политичка сцена. Сериозните сценарија за унапредување на „конзенсзуалната демократија“ и постановките меѓу ВМРО-ДПМНЕ и СДСМ за повисок рејтинг се играат демократски. Нестрпливоста на странската жири комисија поскоро да го види крајот на овие летни политички игри потврдува дека најпопуларните партии успеваат да ја „држат публиката будна“. Во тоа, освен ДУИ и ДПА, особено се трудат СДСМ и „лицето Б.Ц“ кои секогаш мајсторски играт без било какви национални предрасуди.

image

Како и во минатото, така и во овагодишната летна сезона на партиски игри, домашната публиката (како позначајна од странската жири комисија), непристрасно ќе оцени кој политичар колку успешно и зошто го одиграл Итар Пејо, Насредин Оџа, Баба Рога, Борат или Мистер Бин.

Види: Есенски партиски игри
Категория: Политика
Прочетен: 1057 Коментари: 0 Гласове: 0
Последна промяна: 02.07.2008 08:56
16.07.2007 г.

Од воведувањето на повеќепартискиот живот до денес на македонската политичка арена нема поспособен агитатор (да не речем: манипулатор) од Бранко Црвенковски. Тој, со толку малку зборови, умее да каже толку многу работи кои „ќе ги разберат сите“, од полуписмените до оние кои себе се смета за неприкосновени интелекти. Тој е македонскиот транзиционен Гебелс, затоа што, и кога не е исправен во своите постапки, пак знае да печали поени за себе кај дел од јавноста, како што е и сега, со скандалот божем предизвикан од министрите Славевски и Рафајловска при посетата на австрискиот претседател.

Веројатно, високиот гостин со почитуваната делегација од Австрија деновиве престојуваа на покана на Претседателот на РМ, а можеби и на Владата на РМ. Протоколот секако е подготвуван во кабинетот на г-нот Црвенковски, инаку нема друго објаснување за намерната или ненамерната грешка во предвидувањето „под будното око на Претседателот на РМ“ министри од Владата на РМ да потпишуваат догвор во кабинетот на Претседателот на РМ. За неупатениете, или за оние кои не „ситничарат“ за функционирањето на нашиот политички ситем, а сособено за навивачите на СДСМ, споменатиот сканадал е „грешка“ која можела и требала да биде скреиена од високите гости. Но сканалозното узурпирање на ингеренциите на Владата, прикриено со божемна грашка на протоколот во суштина не е само срамна, туку и многу значајна и недозволена работа која разоткрива скриени диктаторски амбиции. Во РМ ние немаме претседателски систем, та поради тоа Претседателот на РМ (како институција) не смее да ја утврдува агендата (дневните активности) на Владата на РМ која како институција за својата работа одговара пред Собранието на РМ и пред сите граѓани на РМ. Впрочем овие одниси меѓу институциие Претседател, Влада и Собрание на РМ се строго определени со Уставот на РМ (колку за потсетување: според Уставот на РМ пратениците немаат обврска да седат во пленарната сала за време на годишното обраќање на Претседателот на РМ во Собранието на РМ, а кај нас се крева џева по ТВ оти пратениците на ВМРО-ДПМНЕ постпувале по своја волја согласно Уставот на РМ кога решиле да не седат во пленарната сала на годишното обраќање на Претседателот на РМ).

image

Во контекст на срамот што ни го приреди „лицето Б.Ц. при посетата на австрискиот претседател, прептоставувам: прво, ако ова божемна грешка на протоколот на „Б.Ц.“ е направена во времето на премиерувањето на Бучковски, тоа било поради упикувањето на последниот. Второ, ако ова божем „протоколарна“ грешка е направена сега (во кое сум убеден), тогаш нашиот негативен херој на политичката пропаганда во ова подмолна игра, „играл“ токму на македонската етнопсихологија.

Во менталитетот на Македонецот отсекогаш било да му се угоди на гостинот по секоја цена, гостинот никакош да не се стави во срамна ситуација поради домашните проблеми на домакинот (на пример: домаќинот има или нема пари за живеачка не важно, ама гостинот мора да го угости; или друг пример: на домаќинот иако не му е до веселба, се ќе напави гостинот да му биде весел). Правдата и правичноста за многумина Македонци во случајов не е битна, битен е срамот кој е диригиран од домашното воспитанеи, од традиционалните поими за добро и зло.Тоа му е совршено јасно на „Б.Ц“.

Ако навистина од кабинетот на „Б.Ц“ направиле привид во утврдувањето на протоколот, тогаш ако на г-нот Претседател на РМ му биле поважни Уставот и државните работи од неговиот рејтинг, можеше да им се извини на Владата на РМ и на високите гости и потпишувањето на договорите државнички да го следи од ТВ екраните. Ама тогаш, ќе немаше раст на неговиот рејтинг, нели?

image

„Лицето Б.Ц.“ (непризнат од сите за легитимен Претседател на РМ) како добар етнопсихолог, како одличен познавач на македонскиот менталитет, знаеше дека поради ова „протоколарна грешка“ ќе печали кај дел во јавноста и во двата случаи.

Ако министрите Славевски и Рафајловска отидоа во просториите на „лицето Б.Ц.“ да ги потпишат договорите ќе излезеше: прво дека не им е битен Уставот на РМ, туку упикувањето кон „лицето Б.Ц“ и второ, но не помалку важно, дека некои од министрите од кабинетот на Г-нот Груевски не се согласуваат со одлуката и ветувањето на ВМРО-ДПМНЕ дека Премиерот, министрите и пратениците од ВМРО-ДПМНЕ нема да комуницираат со „Б.Ц.“ надвор од ситуациите за задолжителна комуникација меѓу институциите Престедател и Премиер на РМ и предвидени со Уставот на РМ.

Скандалот при посетата на австрискиот претседател, приреден како намерната или ненамерната грешка од протоколот на оспоруваниот Претседател на РМ, да беше направен дури и од неспорно легитимен избран Претседател на РМ пак не требаше да биде премолчан и скриен во никој случај. Демократијата е еднаквост на сите граѓани пред законот, независно од тоа кој која функција во кој момент извршува. Затоа: браво за Трајко Славевски, браво за Вера Рафајловска, иако не умееја најдобро тоа да го објаснат во јавноста.

Не случајно истиот ден г-нот Макрадули со навредливи зборови го обвини г-нот Славевски дека своето 18-годишно дете си го вработило на „Берзата“, со цел да го дефокусира вниманието на јавноста од намерната или ненамерната „протоколарна“ грешка од кабинетот на „лицето Б.Ц.“

image

Во Австрија таков „гаф“, или таква „местенка“ да се случеше најблагата казна ќе беше персонални промени во „протоколот“ на претседателскиот кабинет. Ама, ние сме Македонци, гостољубиви, „поважно ни е расположението на гостите“ отколку нашата демократија, отколку почитувањето на Уставот на РМ, отколку достинството на патриотизмот кој не значи упикување никому.  
Категория: Политика
Прочетен: 850 Коментари: 0 Гласове: 0
Синоќа (13.07.2007г.) го гледав г-нот Есад Рахиќ кај Јанко на „Јади Бурек“. Беше вистинско разочарување, со бајати финти се обиде да лови симпатизери: конзервирани југоносталигичари, очајни сдсмовци со заледени желби за монолитната партија, наивци од секаков вид. Покажа и елементарани непознавања од историја, земјоделие и т.н. Најлигаво беше неговото евоцирање спомени за големата СДСМ која била величествена и заради неговата цигла во СДСМ... Се на се, лигав како гол полжав. Се упикуваше на „Василиј од Слатино“, се упикуваше на г-ѓа Шекеринска и „плачеше“ за старите другари, како Наќе Стојановски и други од некогашната социјалдемократска омладина. Се покажа како краен превртливец, кој некогаш се рекламира како екстремен циник, а синоќа како плачко по СДСМ.

image

На крајот, избегна да одговори на прашањето дали беше исклучен од СДСМ затоа што ја лансира приказната дека транзиционите близнаци Љубчо и Бранко се обиделе со помош на ДПА и НСДП да изгласат недоверба на актуелниот кабинет на Премиерот Груевски. (Да нема забуни, ова визнатиска приказна е вистинска: транзиционите близнаци Љубчо и Бранко се обиделе со помош на Мендух Тачи и Тито Петковски да ги симнат од власт Никола Груевски и коалицијата „За подобра Македонија“.)

Во Струмица, чаталџиството по некогаш се објаснува со изреката: „Топло пиво и ладни ќебапи“. Синоќа Есхо беше како бајат бурек и скиснат јогурт.

Резиме: Според синоќешнoтo „јадење бурек“ г-нот Есад Рахиќ нема капацитет да создаде партија која на следните избори ќе освои барем неколку пратеници. Ако формира партија ќе заврши во најдобар случај како г-ѓата Лилјана Поповска.

image

Коментарот на г-нот Рахиќ дека г-нот Црвенковски немал волшебна ламба, со чие протријување г-ѓа Шекеринска ќе го реализирала неговото исклучување од СДСМ е прикаски за мали деца. За да биде казнет поради лансирањето на тврдењето дека имало кохабитација меѓу транзиционите близнаци Бранко и Љубчо, не е потребно Аладинова ламба.
Категория: Политика
Прочетен: 2689 Коментари: 0 Гласове: 0
Се сеќавате ли на јавниот обвинител Александар Прчевчки? - Човекот кој во контекст на партизацијата на судството самиот се нарече „последната будала“.

image

Да си припомнеме и на обидот на г-нот Љубчо Георгиевски со византиска итрина да инсталира марионетски лидер на ВМРО-ДПМНЕ. След поразот од „боксерот Груевски“ (т.е. членството на ВМРО-ДПМНЕ), дотогашната „икона на ВМРО-ДПМНЕ“ се „закани“ со неговото практикување џудо во политиката. До каде стаса џудо-политичарот на сите ни е познато.

image

Од неодамна „се шушка “ дека и актуелната лидерка на СДСМ сакала да се еманципира од нејзиниот партиски папа. Ама, како што кажува г-нот Есад Рахиќ, мнозинството од делегатите на последниот конгрес на СДСМ биле лојални на „Василиј од Слатино“. Од друга страна, според последнита анкета г-нот Црвенковски има рејтинг од 5,7%, а г-ѓа Шекеринска од 1,5%. Веројато г-ѓа Шекеринска сака да биде лидерка на монолитна партија, ама мораше да се согласи обидот на г-нот Бучковски да се еманципира од „папата“ на „свети сдсм“ да заврши со признавање на фракцијата „бучковисти“ во СДСМ.

image

За нискиот рејтинг на СДСМ, кој среде лето се буди од ланскиот зимски сон, има повеќе причини, меѓу кои е и мнението дека г-ѓа Шекеринска како лидерка на СДСМ е марионетка на „лицето Б.Ц.“.

image


Секако г-ѓа Шекеринска не сака да биде ничија политичка марионетка. Историјата не познава вазал кој не се обидел да се ослободи од својот господар во моментот кога ќе процени дека во тоа може да успее.

image

Дали околу 2009 г. ќе има „двобој“ Шекеринска - Црвенковски, сеуште е рано да прогнозираме.

Р.Ѕ.

После предвремените парламентарни избори одржани на 01.06.2008 г. во контекст на горното нема што да прогнозираме.
Категория: Политика
Прочетен: 7099 Коментари: 20 Гласове: 0
Последна промяна: 01.07.2008 17:22

5-ти јули 2007 г.

ГРУЕВСКИ – ШЕКЕРИНСКА 20 : 1

image

Според последната анкета Премиерот Груевски ужива доверба кај 30% од анкетираните, а лидерката на СДСМ, г-ѓа Шекеринска само кај 1,5% од анкетираните. Случајниот избор на анкетираните граѓани (1024 анкетирани) сосема точо не го покажува расположението на двамилјонскиот електорат во РМ, но сепак е валиден индикатор за степенот на доверба што го уживаат споменатите политичари. Во ова анкета најзначајното е што речиси еднаков број од анкетираните ијзавиле дека имаат доверба во ВМРО-ДПМНЕ и г-нот Груевски (во двата случаи по околу 30% од анкетираните), додека тој однос во случајот со г-ѓа Шекеринска (1,5%) и СДСМ (8%) ниту од далеку не е приближен. И овој резултат од 5 : 1 е крајно неповолен за г-ѓа Шекеринска и СДСМ. Ако овие бројки се земат како валиден индикатор, тогаш излегува дека и значаен дел од членството на СДСМ сега не верува дека г-ѓа Шекеринска после три години ќе стане Премиер на РМ. Веројатно сознанијата за резултатите од последната анкета ја натераја г-ѓа Шекеринска и СДСМ наместо на 28-ми август (кога лани беше избрана Владата предводена од г-нот Груевски), на 5-ти јули о.г. да ја започнат својата пропаганда активност наречена „Една година влада“. Незадоволството на „тезгаџиите“ (трговците поединци) од обврската да се „фискализираат“ секако влијало за започнувањето на итната (ургентната) сдмовска пропагандна кампања “Една година влада“.

P.S.

На кое дереџе е политичката пропаганда на СДСМ говори и коментарот на Ѕвездан Георгиевски („Глобус“, 10.07.2007), кој свевремено се прослави како новинар кој го вртеше перото против г-нот Љубчо Георгиевски и ВМРО-ДПМНЕ.

Ако е од г-нот Ѕвездан, пак многу е!

image

Категория: Политика
Прочетен: 659 Коментари: 0 Гласове: 0
Последна промяна: 01.07.2008 14:51
Бииип!

image

Р:Ѕ.
Карикатурата за прв пат веше постирана пре зпочетокот на јули 2007 г. На првите вонредни (или, предвремени) парламентарни избори во Република Македонија, СДСМ беше поразен катастрофално, со резултат: 63 депутатски места за ВМРО-ДПМНЕ спрема  27 депутатски места за СДСМ.
Категория: Политика
Прочетен: 479 Коментари: 0 Гласове: 0
СДСМ не верува, или се прави оти не верува во анкетите на УНДП и ИРИ?

image
Категория: Политика
Прочетен: 479 Коментари: 0 Гласове: 0

1-ви јули 2007 г.

Твдењето на опозицијата дека во случајот само рекламата е пресудната за така високиот рејтинг на ВМРО-ДПМНЕ не држи, оти и со најдобрата реклама не може да се продаде лош производ.

image

Обвинувањето на г-нот Рахиќ дека г-ѓа Шекеринска владеала авторитарно, секако не е основната причина за досега најниско забележаниот рејтинг на СДСМ (види слика). Мислењето дека претседателката на СДСМ е марионетка на г-нот Црвенковски секако не влијае поволно на рејтингот на СДСМ, но тоа не е единствената причина за сегашниот пад од 2% на рејтингот на СДСМ. Можеби е издржано и тврдењето дека „тинејџерски“ имиџ на г-ѓа Шекеринска не го дава посакуваниот резулат во покачувањето на рејтингот на СДСМ. Неиздржано е и тврдењето дека за толку нискиот рејтинг на СДСМ е виновна само г-ѓа Шекеринска. Да се тврди дека г-ѓа Шекеринска е „гробарот на СДСМ“ сега за сега е неосновано. За така нискиот рејтинг на СДСМ пред се е виновен кабинетот на г-нот Груевски кој има добар производ за рекламирање. Досега е одиграна само една четвртинка од утакмицата, но ако продолжи овој тренд на раст на рејтингот на ВМРО-ДПМНЕ....

Р.Ѕ.

11 месеци покасно на предвремените парламентарни избори изборниот резултат меѓу коалициите на ВМРО-ДПМНЕ и СДСМ е 64 : 28 пратенички мандати. Но, сега со сигурност можеме да кажеме дека и г-ѓа Шекеринска е виновна за тој катастрофален пораз на СДСМ.
Категория: Политика
Прочетен: 1292 Коментари: 0 Гласове: 0
Последна промяна: 01.07.2008 14:29
„Сам си го брараше“, така изјави г-нот Макрадули за исклучувањето на Есад Рахиќ од СДСМ.



image


image


image
Категория: Политика
Прочетен: 496 Коментари: 0 Гласове: 0
Последна промяна: 01.07.2008 14:22
image

Зошто скопјани плаќаат 100% погоеми сметки за вода, во кои е пресметана и цената за одржување на градското зеленило и комуналната хигиена? Зошто скопјани не гледаат нова механизација и нововрабоени за одржување на комуналната хигиена и градското зеленило? Како мисли актуелниот градоначалник на Скопје да ги троши парите од покачувањето на цената на водата? Нама одговор на овие прашања во последното интервју со г-нот Трифун Костовски (јуни 2007 г.). Во него може само да ги прочитаме неговите жалби и поплаки: од Груевски, од ЗЕЛС, од системот, од рураалните средини вклучени во Градот, од сите... Во вакви сутуации нашата северна соседтка вели: „Рђавом... и длаке сметају!“. За жал и понатаму г-нот Трифун Костовски останува најпоштедената јавна личност од македонските медиуми. Да беше друг човек градоначалник со такви резултати досега сигурно ќе служеше како општопознат пример каков не треба да биде еден градоначалник. Но, фала им на оние ои му овозможија да му ги видеме способностите како политичар, инаку, ако формираше партија и влезеше во Владата на РМ, не Скопје, Македонија ќе страдеше.

image

image

image

image

image
Категория: Политика
Прочетен: 577 Коментари: 0 Гласове: 0
Последна промяна: 01.07.2008 14:17
01.07.2008 14:10 - Пензии за сите
Пензии за сите со над 25 години работен стаж...

image

image

Категория: Политика
Прочетен: 400 Коментари: 0 Гласове: 0
Последна промяна: 01.07.2008 14:11
01.07.2008 14:08 - Европа сега!
image
Категория: Политика
Прочетен: 387 Коментари: 0 Гласове: 0
<<  <  3 4 5 6 7 8 9  >  >>
Търсене

За този блог
Автор: papata1962
Категория: Политика
Прочетен: 317152
Постинги: 132
Коментари: 311
Гласове: 131
Архив
Календар
«  Ноември, 2017  
ПВСЧПСН
12345
6789101112
13141516171819
20212223242526
27282930