Благодарам „Фокус“!

Кликни на претходната страна за „срамното клипче“, а тука за уште побезобразното клипче: БРАНКО И РАДА - БИТАНГА И ПРИНЦЕЗА

http://www.youtube.com/watch?v=Jsn0kB591tU

И најсетне, дали Б.Ц. исто како во 2004 г. ќе пишува писма: НЕ МЕ ОСТАВАЈТЕ САМ!



Сепак, ако се реши на таков чекор после Радиното одлепување од него, за утеха му останува фактот што ќе пишуваа најмалу 50% помалку писма отколку што пишувал во 2004 г.

13.01.2008 г.

Шекеринска се фали: „Ќе се одлепиме од Црвенковски“.
Зарем досега не тврдеа дека одамна одлепиле од Црвенковски?

Откао забразди во политикта нејзината волја за власт е смислата на нејзиниот живот, та затоа е разбирливо што досега се обидуваше да ја мами јавноста дека одамна е одлепена од Црвенковски.

Несомнонено е дека еден ден Шекеринска ќе се одлепи од Црвенковски. Не затоа што таа си го поставува прашањето дали „Бракно е битанга“, туку затоа што таа веќе оценила дека „тезата“ на Кондарко оти „Секој си има свое бачило“, Груевски веќе ја потврдил како аксиома. Се надева на изборен успех на евентуланите предвремени парламентарни избори, а доколку го постигне тоа, таа навистина ќе се одлепи од својот политички промотор и тутор. Но, на една голема партија за да излезе на избори и требаат милјони. Дали Шекеринска веќе е способна сама, без Црвенковски, да ја обезбеди финансиската подршка од транзиционите инстант капиталисти кои станаа тоа што се благодарение на Бранко Цревнековски? – Неверувам!
Верувам дека Шекеринска не блефира кога вели дека сака предвремени избори, не се сомневам дека навистена гори од желба да се одлепи од Црвенковски, ама не верувам дека тоа ќе и успее!

Кликни тука: видео клип на ова тема на You Tube

http://www.youtube.com/watch?v=1fTxoY1PVh8

Р.Ѕ.

Ми требаше цела седмица да нјадам една стара песна за да биде клипчето такво какво што беше замислено. ЗАТОА ПОДОБРО КЛИКНИ ТУКА ЗА КЛИПЧЕТО:

БРАНКО И РАДА - БИТАНГА И ПРИНЦЕЗА

P.S.

Пет месеци покасно, лицето Б.Ц. најави дека тој ќе се одлепи од г-ѓа Шекеринска.

Како беше формирана партијата ВМРО-ДПМНЕ?

03.12.2007 г.
Зоран Витанов повеќе не е потпретседател на Сoцијалистичката Партија на Македонија.

Веднаш по изборите Витанов на една локална струмичка телевизија влезе во филмот дека е богуизбран за да биде повикан од земјоделците за нивен лидер. Во истиот сопствен филм, истовремно се обиде да ги одигра и ролјите на опозиционер и премиер. „Му удрила славата во главата“, беше најчестиот коментар на моите пријатели кои го гледале тоа демагошко шоу на Зоран Витанов. Некои го сожалуваа, други му се потсмеваа, а трети му беа лути што во името на Општинските комитети на ВМРО-ДПМНЕ во Струмица и с.Босилово, без нивно знаење, си закажувал средби со граѓаните и членовите на ВМРО-ДПМНЕ во некои Месните комитети на ВМРО-ДПМНЕ. Откако го откриле овој солистички настап на Зоран Витанов, во ОК на ВМРО-ДПМНЕ за општина Босилово решиле да му покажат кој е кој. Така пратеникот Витанов, наместо средба со граѓаните од ова општина, се соочил во средба со само неколкумина члена на СПМ.

Набргу потоа, низ стумичката чаршија се расчу гласот дека Зоран Витанов побарал да замине во дипломатија, но Ѕинго не му ја задоволил ова желба. Потоа, во весниците читавме изјави на Зоран Витанов дека тој нема намера да се откаже од пратеничкиот мандат.

Во вчерашниот и денешниот свој настап во Собранието на РМ, Зоран Витанов пак жестоко настапува како свест и совест на колаицијата „За подобра Македонија“, како единсвен и најголем струмички локал патриот, иако во Струмица најчесто доаѓа само да си го регистира своето возило. Очебијна е неговата фрустрираност од катастрофалниот пораз што го доживеал на внатрепартиските избори во СПМ.

Каде забега Зоран Витанов?

Во ВМРО-ДПМНЕ секако не, таму би отишол само ако му гарантираат дека наместо Груевски тој ќе биде премиер.

Во СДСМ? Истото така, не. Ако стане пратеник на СДСМ, и туку ќе треба да излезе од сопствениот филм дека е од Бога надарениот со својства за најадобар премиер на РМ.

Стојан Андов? Не, тоа е невозможен спој, затоа што г-нот Андив е 100 пати повешт политичар отколку тој.

Истотака нема да се прогасли и за независен пратеник. Не заради привилегиите што сега ги ужива како пратеник од „власта“, туку за да може што посупешно до крај да го одигра своето политичко стриптиз шоу. Но, што потоа?

Нема партиска „инфраструктура“ зад себе, нема ниту интелектуален, ниту материјален потенцијал да формира своја партија - повеќе ќе нема и наивни бизнис планови на некои струмички бизнисмени дека преку амандаманите на Зоран Витанов, во името на општите граѓански интереси, ќе си ги асфалтираат макадамските патишта до своите фабрики.

P.S.

На првите предвремени парламентарни избори г-нот Зоран Витанов беше неуспешен кандиат на ПЕИ (партијата на Фијат Цаневски).

Восочната фигура на Елизабет I (1533-1603)

Во 1999 г. бугарскиот историчар Илија Тодев под заглавието: „Митот Македонија“ пишува:

„Тој може да биде наречен мит – шпекулација. Ќе ми биде дозволено да го споредам со една, полусериозна, полушеговита, легенда, која се поддржува од Middle Temple, каде е сместена една од четирите лондонски колегии на адвокатите. Ако имате врски, уверува туристичкиот водич Fodor, вие и денес во неговата трпезарија би можеле да каснете кејк приготвен лично од кралицата Елизабет I. Веројатно си мислите дека станува збор за нешто многу бајато. Ништо слично, кејкот е испечен претходната седмица. Ете како станува тоа? На Middle Temple кралицата Елизабет I направила гест, им подарила кејк, тврди легендата, која го приготвила со сопствените раце. Практичните адвокати задржале едно парче од него, остатокот го изеле. Следната седмица, кога во гостилницата приготвувале нов кејк, во него го раствориле парчето од кралскиот кејк. Така секоја седмица и до денес. Значи, во кејкот којшто ви го предложиле денес во Middle Temple, делот од автентичниот кејк на Елизабет I навистина е бескрајно мал – завршува Fodor, - но никој не може да го одрекнува. Така и нашите југозападни Бугари [Се однесува на современите Македонци. – Заб. atoris_b], со логиката на адвокатите од Middle Temple, секогаш можат да кажат дека во нивните жили тече крвта на Александар Велики, – како што му објаснувале уште [во 1871 год.] на скептичниот Славејков [Петко Рачов Славејков (1827-1895), бугарски поет, публицист, фолклорист и општественик, основач на в-кот „Македония“ кој излегувал во Цариград од 1866 до 1872 год.– Заб. atoris_b].“ (Илия Тодев, Към друго минало или пренебрегавани аспекти на българското национално възраждане. София 1999. 74)



Но, првиот претседател на новата (не римската) Република Македонија, Киро Глигоров во грчкиот в-к „Неос Космос“ од 13.06.1992 год. на стр.3 тврди: "Ние немаме никаква врска со Александар Велики. Ние сме словенски народ кој дошол тука [во Македонија] во шестиот век."



Постери од сегашната акција на МСУ (ноември-декември 2007 г.

Aко Владата на РМ не играла според гајдата на скопскиот градоначалник Трифун Костовски, тој ќе си дал оставка. Ако навистина мисли да си поденсе оставка, нека му е со сраќа дезертерството од одговорноста која му ја доверија мнозинството од скопските гласачи.



Жално е само тоа што од фотелјата на градоначалникот на град Скопје до дома нема да си замине со еден од трамваите кои ги ветуваше.

Со намалувањето на ДДВ-то од 18 на 5% за билетите на ЈСП, Владата на РМ непосредно им додели субвенции на кориснисците на услугите на ова јавно претпријатие. Се разбира, никој не очекува дека со ова посредно помагање на работењето на ЈСП дека мнозинството од скопјани ќе се мотивират што повеќе да ги користат услугите на ЈСП, та на тој начин да се спаси тоа јавно претпријатие од катастрофалното работење на неговите претходни раководни структури.



Дали навистина ЈСП ќе банкротира, или тоа веќе е банкротирано (ако навистина неговото работење е економски неоправдано, или е до тој степен е задолжено што повеќе не е крдитоспособно)? Час поскоро државниот ревизиор пред увид на јавноста треба да ги стави фактите за досегашното и сегашното работење на ЈСП. Македонските граѓани да видат колку пари се трошат за резервни делови, за гориво, колку се отсутвува заради боледување, колку часа ефикасно се работи во текот на работниот ден, колку е адекватна систематизацјијата на работните места, колку се почитувал и почитува Законот за јавни набавки и т.н.



Колку што ми е познато, според позитивните законски прописи, било кое јавно претпријатие не може да оди во стечај, затоа што за неговото успешно работење е задолжен неговиот оснивач (локалната самоуправа, или државата). Како основач на ЈСП сега се смета локалната самоуправа, т.е. Град Скопје, што ќе рече, градоначалникот на Скопје е еден од најодговорните за успешното работење на тоа јавно претпријатие. Очебијната намера на г-нот Костовски таа своја одговорност да ја сподели со Владата, или префрли на Владата, е разбирлива.Човекот признава дека сам не е кадарен да се справи со проблемите во ЈСП. Или, пак можеби актуелниот градоначалник на Град Скопје подготвува ликвидација на ЈСП со цел да создаде приватен монопол во ова услужна дејност, па Пилатовски си ги мие рацете? Незнам! Можеби!

Чесен слуга бара господар.








P.S.
Позајмено:
Бранко Црвенквски - кој ќе му поверува?

Глорификација и



демистификација:

Зарем од намалување на ДДВ-то на билетите на ЈСП нема да има значително помал прилив на пари само во буджетот на Република Македонија? Тогаш, зошто г-нот Костовски се закани (или пофали) дека ќе ја намалил цената на билетите за ЈСП на 10,оо денари!

Како градоначаникот на Скопје ќе го реализира тоа свое ветување? Одговорот на поставеното прашање досега г-нот Градоначаник не и го соопшти на јавноста.

Дали и тој како Владата ќе се ангажира за намалување на даноците?

Но, не само патниците на ЈСП да се ослободат од данок на дотичната услуга, туку и ЈСП како стопански субјект да се ослободи од плаќањето на било какви даноци (на резервни делови, на сервисни улуги, на горивото, на набавката на нови возила), пак не е можно цената на билетите на ЈСП да чини 10,оо денари. Поголема субвенција од ова би било државата ( т.е. сите даночни обрзници во РМ) да им ги плаќаат придонесите за здраствено и пензиско осигурување на сите вработени во ЈСП. Но, пак цената на билетот на ЈСП нема да е 10,оо денари.

Навистина г-нот Костовски е махер за бизнис, неспорен голем и хуман донатор, што ќе рече се разбира од правење пари. Ете, на пример: се заложи за 100% повисока цена на водата (што значи поскапеа и на цената за одржување на комуналната хигиена и цената за подигањето и одржувањето на зелените градски површини), а скопјани ниту имаат почисти улици, ниту празни контејнери за смет, ниту поубави и поголеми паркови, ниту украсени улици и булевари (за детски и спорстки игралишта да не зборуваме).



ас сум „дудук за правење пари “, веројатно затоа никако не можам да разберам, зошто намалувањето на ДДВ-то на билетите на ЈСП ќе предизвикало банкрот на ЈСП, кога парите од ДДВ-то не се на ЈСП, туку на сите граѓани на РМ, т.е. на буџетот на РМ. Или, пак поради тоа намалување на ДДВ-то ЈСП повеќе нема да се „кредитира“ на илегален начин? Можеби градоначаникот Костовски ќе предложи донесување на некој нов закон, специјално за ЈСП, со која ќе се обезбеди уште поголема субвенција за ЈСП. На пример, сите граѓани на Република Македонија би се задолжиле да му ги подмират огромните долгови на ЈСП кон странските и домашните кредитори. Несомнено, секој полнолетен граѓанин на РМ, посредно (преку пратениците во Парламентот), или непосредно (со граѓанска иницијатива), има право да побара ставње на дневен ред на Собранието на РМ предлог на закон, или предлог на измена на закон. Ако г-нот Костовски поведе таква иницијатива секако многу ќе ги израдува струмични, штипјани, тетовчани или охриѓани што на тој начин ќе им ги субвенционираат транспортните трошоци на патниците на ЈСП (меѓу кои има многу ученици и студенти „од внатрешаноста“), што на тој начин ќе се амнестираат досегашните раководни структури во ЈСП кои претпријатието го остваиле во огромни и долгогодшни долгови, а уште повеќе што на тој начин ЈСП ќе стане атрактивно за приватизација.



И најсетне, жалам што г-нот Костовски сега се сети да ветува дека ќе се залага за намалување на цената на билетите на ЈСП на само 10,оо денери. Да го направеше тоа пред последните локални избори, или сите скопјани ќе гласаа за него, или никој, така што денес немаше некои од неговите гласачи јавно да се каат, или срамуваат што гласале за него, ниту пак истите ќе беа изложени на мајтапење од пеновци. Сепак, им благодарам на сите кои му дадоа шанса на г-нот Трифун Костовски да го видеме како политичар, инаку ако станеше член во било кој персонален состав на некоја македонска влада, Македонија ќе страдаше, така само скопјани си знаат на какво дереџе се што си имаат таков градоначалник.

Првите масовни кражби на метални капаци и решетки од градската канализација во Струмица започна предоколу 6 години. Оттогаш Струмица на неколку пати беше предмет на специјана обработка на овие божемни собирачи на старо железо. Секако сегашниот градоначалник на Струмица во минатите две години секако се завзел за отстранување на опасностите кои демнат поради отворените шахти и сливници од градската канализација, но неприфатливо е сеуште да имаме опасно отворени шахти и сливници по струмичките улици.



Некои, како овие на фотографиите на улицата „Мито Хаџи-Василев Јасмин“, стојат непокриени толку долго што веќе се затнати со секаков „нанос“, па кога има врнежи по улиците се создаваат мали вештачки езера.



Друг акутен проблем на струмичани е уличното осветлување. На пример, по улиците „Младинска“ и “М.Х-В Јасмин“ и уличките околу нив секојденво минуваат околу 1/5 или 1/6 од струмичани, а истите се речиси сосема неосветлени.



За да ни биде Струмица убав град градскто осветлување не треба да блеска само по „булеваро“.



Убаво осветлени палми, фонтани со „лајт шоу“ од една страна, а од друга: отворени и запушени дупки од градската канализација во мрачни улици и улички со преполни контејнери, создаваат слика како да се работи за два града, едниот убаво уреден, другиот запуштен.



Засадените палми на отворено, доколку не измрзнат, во следните 5-6 години ќе станат посебно убави. Но, после 15-20 или 25 години овие долговечни растенија кои живеат до 200 години ќе измрзнат доколку во лутите струмички зими не бидат превземени посебни мерки за нивно презимување.



Неколку паднати украсни камења сега за сега не треба да се прифаќаат како индикатор дека изведувачот работи фушлерски.



Дали изведувачот работата ќе си ја заврши така како што треба ќе знаеме после првите зимски мразеви, кога ќе смрзне водата во фугите меѓу украсните камења, а дотогаш секако не смееме да носиме конечен заклучок за квалитетот на извршената услуга.



Во крајна сметка, ајде да прифатиме дека потрошените неколку илјада евра не се голем трошок извесно време струмичани да се фалат дека нивниот град го красат палми. Чаламџиството си има соја цена и тоа не го зачудува никој. Во случајов интрересна е волјата на градоначалникот да ја победи природата, да ги фасцинира струмичани како што Мусолини со својата борба против маларијата ги фасцинирал неговиоте следбеници. Таква желба имал и еден директор на претпријатието „Струмички Слив“ кој во средината на 60-тите години од минатиот век се пофалил дека со уредувањето на „поројо“ ќе ја победи ерозијата по околните струмички ридишта, но денес од таа волја да се победи природата имаме само еден одводен сегмент од канал кој поставен на високи столбови стрчи високо во празно, наместо да собира водата од поројните дождови кои се слеваат по двта околни рида.



На територијата на општина Струмица е и месноста Чам Чифлик (селото е изгорено од Грците во Балканските војни). Бидејќи сеуште не е завршена денационалзизацијата на земјиштетео од некогашниот атар на Чам Чифлик, поголем дел од тој простор е „под надлежност“ на Ј.П. „Комунлец“, што ќе рече „под ингеренции“ на градоначалникот Зоран Заев.



Се зборува дека градоначалникот Заев им дозволил на некои Турци од ѓупската маала во Стумица да ги масакрираат дабовите дрвја на Чам Чифлик. Наводно, заради благодарност за тоа што гласале за него. Незнам колку тоа е точно, но факт е дека во времето на предходниот градоначалник имаше двајца чувари од ЈП „Комуналец“ кои секојдневно совесно си ја извршуваа работата, а сега нема чувари на Чам Чифлик од ЈП „Комуналец“. Било како било, сегашниот градоначалник би можел да се ангажира месноста да биде пошумена.



Во оваа колиба на Чам Чифлик престојуваа чуварите на ЈП „Комуниалец“, а во неделите во текот на целата година се собираа струмичани љубители на староградски и даскалски (вмровски) песни. Сега зјапат празни. Пошумувањето на месноста Чам Чифлик ќе израдува многу струмичани.

И, најсетне, кој треба да се погрижи на Чам Чифлик да биде возобновен паметникот на македонските и бугарските партизани загинати во антифашистичката војна?

- Добриот градоначалник, зарем не?

Сегашниот градоначалник на Струмица навистина му го смени личниот опсис на градот. Ја доврши изградбата на фонтаната започната од претходниот градоначалник, се ангажира во реализацијата на старата идеја на местото на градското пазариште да се изгради современ трговски ценатар и се зафати според соспствениот вкус да го разубави булеварот „Маршал Тито“ (суште така се вика). Но, при последното направил утка.



Уште во СФРЈ во стручната литература имаше стручна препорака според која уличните жардињери треба да бидат поставени најмалку 15-16 метра пред пешачките премин, да не бидат повисоки од 40 сантиметри, а засадените во нив растенија во никој случај не треба да го попречуваат видното поле на возачите.



Неводејки сметка за безбедноста во сообраќајот на булеварот „Маршал Тито“ градоначалникот Заев непотребно потрошил многу бетон кој можел да го потроши за изградба на вториот заштитен ѕид на одводниот канал од некогашниот порој.



Истотака неумешно се потрошени и парите за набавените палми. Тврдењето дека може да се аклиматизираат палми во Струмица секако не е експертско. Освен ако тие експерти сеуште не ја запознале стручната јавност дека создале нови палми кои издржуваат на минус 27,2 или 29,5 Целзиусови степени, колку што изнесуваат најниските измерени температури измерени во Струмица и струмичко во 1966 г. и во зимата на 2001 г.

Таква глетка нема да имаме во Струмица.

Незнам какви експерти ангажирал дотичниот градоначалник, но за ова прашање можел да се консултира сурфајки по интернет. И советниците од опозицијата пред да се согласат со ова набавка можеле истото да го направат на своите општински лаптопи.

Вакви последици по палмите од ниските температури

веќе сме гледале во Струмица.

Според податоци во литература најниската температура која може да ја поденсе еден вид палма без било какви оштетувања изнесува минус 15 Целзиусови степени. Во Струмица, во домашни услови одамна се одгледуваат палми. Некои палми долги годинии вегетират во неколку двора на семејни куќи. Но, зашитата на палмите од зимските ниски температури никогаш не била упешна. Во зависност од експозицијата и заштитата од ниски зимски температури некои палми во Струмица успеале со значајни оштетувања да преживеат дури и на минус 25 Целзиуси. Веројатно последниот факт ги охрабрил експертите на Заев да се застапат за реализација на неговата идеја, но местото (експозицијата) на кое се засадени палмите на Заев е изложено на ладниот вељушки ветер, кој никако нема да им годи на новозасадените палмите.

Палмите во Струмица и заштитна куќичка за палма во Охрид.

Засадените палми на „Маршал Тито“ во Струмица дури и да бидата заштитени во специјални куќички (како оние во Охрид) нема да имаат долг век доколку г-нот Заев во текот на студените зимски денови не обезбеди греење на кореновата система на овие палми. Колку што ми е познато на местата каде што се засадени палмите на Заев нема инсталација за затоплување, но и да има таква инсталација, високите бетонски „корита“ пак се непотребни затоа што тие во споредба со загревањето на кореновта система на растенија засадени директно во почвата бараат многу повеќе енергија (и пари) за затоплување.

Олеандрите засадени на дојранските улици без заштита

од ниските зимски температури го красеа градот само една ипол деценија.

Иако некои видови палми живеат и до 200 години, палмите на градоначалникот Заев ќе имаат многу краток век, отприлика како олендрите што беа насадени по улиците во Дојран кои го красеа се додека не измрзнаа од ниските зимски температури. Ако ова зима не биде екстремно ладна, догодина г-нот Заев ќе може да се пофали дека неговите пралми траеле повеќе отколку палмите на поранешниот скопски градоналаник Ристо Пенов.

Палмите на Ристо Пенов.

За да личи Струимица на „вистински приморски град“ секако треба нешто друго, а не палми непогодни за годините со екстремоно ладни струмички зими.



Планинарска куќичка во „медитеранска атмосфера“.



Московски парк во „медитеранска атмосфера“.

Дајте ни ја Вистината!



Анѓели и ѓаволи



Мама Лиле



Нане Лиле



Мирудија за секоја манџа



NATO Go Home!

Околу 13% од македонското население го сочинуваат припадниците на помалите етнички заедници. Навидум мал процент како населнеие, но како број на гласачи тој процент е огромна бројка, чија големина можеме да илустрираме со фактот што ВМРО-ДПМНЕ го оспорува легитимниот избор на „Б.Ц.“ со тврдењето дека му недостасувале само 0,3% од гласовите за да биде регуларно избран за Претседател на РМ.



Фалбата на СДСМ дека обезбедувал 20% од своите коалицииони листи за кандидати за пратеници од помалите етнички заедници е проста модификација на југокомунистичкото фалба дека комунистчката авангарда се грижела за сиот работниот народ и сите народи и народности.


Во кратката историја на македонскиот повеќепартиски политички ситем повеќето од партиите на помалите етнички заедници се прославија како коалиционен партер на СДСМ. Ова несакана или посакувана слава, во завсност од аспектот на политичката опција, е основата за дилемата дали тие партии дејствуваат автохтоно, или диригирано поради неможноста сами да се изборат на избори за свои пратенички мандати.


Автохтоното организирање на политичките партии по етничка основа во РМ неспорно може да се рализира само со позитивана дискриминација, т.е. со загарантирани пратенички мандати, а не со проценти на кандидатските листи определени со „математиките“ и туторството на големите партии.



Во демократското, во отвореното општество, неспорно е правото за организирање на политичките партии врз етничка основа, исто како што е неспорно и правото за политичко организирање врз основата на интернационализмот (т.е. како граѓанска партија). Со промените во изборниот законик припадниците на помалите етнички заедници добиваат право да избираат самите дали ќе гласат за својата етничка партија, или пак за друга партија, или коалиција. На пример: неодамна исклучениот од СДСМ Есад Рахиќ со овие промени во изборниот законик, кој го унапредуваат и правото да бидеш избиран, добива можност сам да си избира дали за следниот мандат ќе се кандидатира како член на најавената интернациналистичка партија на Слободни социјалдемократи или како член на новоформирана етничка партија на македонските Бошњаци.




Загарантираните пратенички места за малите еднички заедници секако ќе влијаат врз коалициониот капацитет на СДСМ и ВМРО-ДПМНЕ. Избрзаното противење на СДСМ за овие демократски промени веројатно ќе предизвика одлив на значителен процент досегашни гласачи на СДСМ. Но, кој му е крив на СДСМ кој на чело со г-ѓа Шекеринска на македонската политичка сцена настапува како заклана кокошка, а не како витински демократи кои пред се се грижат за унапредување на демократските права на граѓаните на РМ без разлика на нивната верска или етничка припадност.

Дијалог и кохабитација.