„Со сончогледи не се прави партија.“ - Ако се сеќавам добро така гласаше изјавата на Бранко Црвенковски дадена во изборната 1998 г. по повод одливот на членови и гласачи од СДСМ.



Деновиве уште еден горд „сончоглед“ му го сврте грбот на „папата“. Имено, поранешниот амбасадор со најкртаок дипломатски „стаж“ Љупчо Јордановски најави дека ќе формира нова партија која ќе се викала Слободни социјалдемократи.



Се зборува дека осомничениот Владо Бучковски ќе мигрирал среде елитата на Слободните социјалдемократи. Тоа наскоро е можно само ако Бучковски не е виновен за спорната „набавка на резервни тенковски делови“. Во спротивно, Бучковски ќе може да се вброи во активистите на Слободните социјалдемократи дури после „одлежувањето“ на седумгодишната затворска казна која следува за кривичното дело за кое е осомничен.



 

Се друго лага е ...

Почитуваниот г-н Владо Бучковски навистина „како коњ“ одработи во кампањата на лицето Б.Ц., вложи многу труд, даде сй од се себе, а за возврат јавно ништо не побара.



Во контекст на сомнежот дека дел од парите во спорната „набавка не резервни тенковски делови“ биле наменети за изборната камања на „папата“, без да се почитува правилото дека никој не е виновен додека не биде осуден, се тврди дека: „Бранко од Бучко направи магаре“. Тоа не е точно. Самиот што ќе си направиш никој не може да ти направи.

Ноќта меѓу 1-ви и 2-ри август 2007 год. за прв пат во Југоисточна Европа се случи да му биде одземен пратеничкиот имунитет на пратеник кој претходно бил министер и премиер. Шпекулациите дека тоа било мотивирано од политички пресметки суште не стивнуваат.

Никој не е виновен додека не биде осуден.

Но, почитувањето на овој принцип деклариран за прв пат во Француската револуција (која се смета за почеток на современата демократија), не го ускратува правото јавно да се изрази сомнежет дека г-нот Осомничен на ја зборува вистината. Истотака и најавата за покренување на обвинтителен акт не зачи дека е дотичниот е виновен.



Осомничен тврдеше дека режисерот на обидот за негово итно притварање бил г-нот Љубиша Георгиевски, но најавата на Обинителството дека г-нот Осомничен ќе стане г-н Обвинет го поткрепува сомнежот изнерсен од пратеникот Влатко Ѓорчев дека значителен дел од парите стекнати во спорната „набавка на резервни тенковски делови“ биле наменети за изборнаtа кампања на „државникот“.



Неспорно е дека многумина од политички причини
би сакале ова слика да ја видат како реалност.

После 8-часовниот распит во Основниот суд и притисокот врз истиот суд од европскиот СДСМ на г-ѓа Шекеринска, дотичниот г-н изјави дека ја извојувал битката за слободата, при што се доби впечаток дека во истражната постапка биле увежени неговите „нови докази“. Но, набргу на јавноста и беше соопштено дека на г-нот Осомничен му бил одземен дипломатски пасош и му било забрането да се движи надвор од територијата на град Скопје, кое нешто кажува дека неговите „нови докози“ не биле пресудниот чинител да не биде испратен во притвор.

По се изгледа дека не „новите докази“, туку притисоците на европскиот СДСМ врз истражниот судија го спасија г-нот Осомничен од притвор.

Ако дотичниот гоподин сам се откажал од пратеничкиот имунитет кој го штити од притвор во истражен затвор, тогаш кому му беше потребен „театарот“ кој го приреди европскиот СДСМ на соодветната собраниска комисија и пред Основниот суд во Скопје?

Не е убаво да се шпекулира со тврдењето дека „папата на свети сдсм“ ја организираал таа мечкина услуга на г-нот Осомничен со цел истиот „да не пропее“ во истржаниот затвор.

Од некои луѓе кои поминале извесно време во притвор и затвор сум слушал дека притворот е „сто пати по грозен од затворот“. Додека биле во притвор, не им дозволувале да спијат, постојано ги распрашувале и после неколку дена неспиење во истражната постапка заборавале што кажале, што излажале, незнаеле дали е ден или ноќ и на крајот се си признале, само и само да ги остават да се наспијат.

Дека отслужувањето на затворската казна било многу полесно од притворот го илустрираа со фактот што притворениот, за разлика од затвореникот, немал право на сексуален однос со својот брачен партнер. Веројатно „театарот“ кој го приреди европскиот СДСМ во заштита на ликот и делото на г-нот Бучковски, беше инспириран од хуманитарни побуди, а не од директивата на „државникот“.



Се повеќе имаме показатели според кои може да заклучиме споменатиот режисер досега не режирал никаква престава во која главна ролја игра споменатиот пратеник, но ако дотичниот г-н Осомничен на крајот од „сторијата“ биде испратен да „свири клавир“ во Идризово, тогаш г-нот Љубиша Георгиевски, од хуманитарни побуди - секако, ќе има можност да режира некаква прествава во која би можел евентуалниот г-н Осуденик да ги реализира и на друг начин своите артистички афинитети и способности.



И најсетне, ако дотичниот г-н Осомничен стане г-н Осуденик дали европскиот СДСМ на г-ѓа Шекеринска и неговиот „папа“ ќе ја блокираат влезната врата на соодветниот затвор?

 

 

Опинци за другите.



Кондури за мене.

Р.Ѕ.
Позајмено: Банда Комунистичка

Летни партиски игри – Местенка?

Сега има моногу „ако“ за да се одговори на поственото прашање. Ако има местенка, нема да ме зачуди ако на крајот излезе дека таа не била против Бучковски, туку ЗА Бучковски, односно дека „местачите“ сметат дека Бучковски со „новите докази“ изнесени на 17- јули (Вечер) и 3-ти август о.г. (Кананл 5) од обвинет ќе се просалви како во обвинител.

Основан ли е сомнежот на Вечер дека од МО „изчезнала“ документација: „ за да се скријат трагите од јавните набавки на Бучковски “? Можеби истата „исчезнала“ за да се направи жртва, т.е. „херој Бучковски“?

Но, Бучковите „нови докази“ по се изгледа не кореспондираат со тоа што можевме да го разбереме за обвинението против него во: Вечер, Вест, Време, или некој друг медиум.

Може ли македонската јавност да ја добие на увид целосната содржина на обвинението против Бучковски?

Ако имаше местенка, тогаш кој е авторот (или авторите), кој е режисерот, кој се актерите? Одговорот на поставените прашања можеби лежи во тоа кој најмногу полза извлече од оваа непотребно кренета врева.

Најмногу добија Бучковски и Брат Љубе, за чие ослободување се создава надеж дека истото ќе се случи.

Сега за сега најмногу изгубија Груевски и Шекеринска, но игранката сеуште не завршена.

Дали сценаристот и режисерот на „драмата со Бучковски“ е Љубчо Георгиевски, од една стана да „возврати“ за скандалот со неговата средба со Црвенковски?

Да си припомнеме на радостта на г-нот Љубчо Георгивски кога г-нот Бучковски стана премиер, да си припомниме дека повеќето од „приврзаниците“ на Брат Љубе своевремено го обвинуваа г-но Груевски дека не водел сметка за Брат Љубе.

И, најсетене можна ли е коалиција Бучковски - Брат Љубе?

Ноќта меѓу 1-ви и 2-ри август 2007 г. на пратеникот Владо Бучковски му беше одземен пратеничкиот мандат.

Ќе се одмота ли клобото?



Дали пропеа некое ангелче?

Коалиција GUNS & ROSES

29 јули 2007 г.

Социјалдемократскиот сојуз на Македонија остро протестира за начинот на кој се води борбата против корупцијата и организираниот криминал.



СДСМ ја поддржува вистинската борба против криминалот и корупцијата.

Непризнатиот од сите актуелен претседател на РМ, г-нот Бранко Црвенковски си призна уште една своја грешка, која и не е некоја голема грешка, ама поради неа се чувствувал понижено, а ја понижил и РМ. Демек, непотребно се одзвал на последната покана од амбасодорката на САД г-ѓа Џулијан Миловановиќ и претставникот (амбасадорот) на ЕУ во РМ г-нот Ерван Фуере.



Умешните дипломати навистина најдоа убав и учтив „повод“ на својата „приватна забава“, на која беа поканети сите најзначајни политички „репрезентативци“ на РМ, да им одржат „политички час“ на дел од своите гости. Да беше фален, а не укоруван, г-нот Бранко Црвенковски секако немаше јавно да тврди дека згрешил што присуствувал на оваа „советување“ за функционирањето, или нефункционирањето на т.н. независно судство во РМ со кое тој и СДСМ се фалеа на претходните избори.

Замислете си, Вие сте премиер во држава со над дваипол милјони жители од кои околу 370.000 се невработени, а некој „голем“ директор на некоја “светска компанија“ Ви предлага: дај те ми шанса да привлечам странски инвеститори, за неколку години значително ќе го намалиме бројот на невработените. – Што ќе правете, како ќе постапите?



Јас прво „ќе му ги преслушам“ аргумените, потоа би си направил споредба со тоа колку пари се потрошени за оние две години додека важеше т.н. Бранков закон, а колку имаше нови вработувања од тој закон. Поголема промашена инвестиција за нови вработувања од т.н. Бранков закон во „транзициона“ Македонија немало. Сетне, ако не ризикуваш, секако нема да направиш промашена инвестиција, ама и сигурно нема ништо да добиеш. Значи, на погоре изнесениот хипотетичен предлог „ќе си ја пробам среќата“, затоа што секогаш нема загарантирана добивака.



Думата ми е за господинот Глигор Ташковиќ, можеби сеуште е рано (22 јули 2007 г. ) да се суди за резултатите од неговиот ангажман.

P.S.

Пратеникот на СДСМ Иван Ивановски - Шема во изнесувањето на својата опозиционерска оценка дека немало позитивни резултати од официјалната посетата на Катар од страна на министерот Ташковиќ, премолча две работи. Помалку значајната, дека во таа делегација, освен г-нот Ташковиќ беше и вицепремиерот Живко Јанкуловски, поранешен член на СДСМ, а сега на НСДП. И позначајната работа, - зошто г-нот Шема не се пофали со резултатите од официјалната посета на Катар од поранешната министерка Илинка Митрева? Секао г-ѓата Илинка Митрева не беше во приватна „туристичка посета“ на фришоповите во Катар!

Сезонски репертоар на албански јазик:
За ова сезона на македонско-албанските партиски игри, ДУИ и ДПА како национална коалиција изнесоа сложно само две барања: воведување на албанскиот јазик како вотор службен јазик во државните институции и задолжително состваување Влада на РМ „по Бадентер“, т.е. федеративното или конфедеративното уредување.



ДУИ декларираат дека се за: Македонија - Белгија на Балканот. А, во Белгија „нема абер“ од раздружување, исто и како во објаснувањето на мотивите на ДУИ за „воениот конфликт“. Та, нели Али Ахмети не убедуваше дека „воениот конфликт“ се разгорел затоа што тој не се согласил со предлогот на г-нот Љубчо Георгиевски за поделба на Македонија?

Дали новиот претседател на ДПА, г-нот Мендух Тачи прво се согласи, а после се пишмани, за последниот предлог на г-нот Љубчо Георгиевски за „спас на Македонија“ во реализацијата на идејата за Велека Албанија, засега останува енигма.

Со г-нот г-нот Арбен Џафери како претседател на ДПА бевме „на чисто“, не криеше дека се залага за најдобар соживот со Македонците затоа што само така може да се реализира неговата синтагмата за консезуална демократија, која значи само едно: Македонија - Чехословачка на Балканот. Во контекст на неговата искреност, нема основа да се сомневаме дека искрено згрешил кога го притиснал погрешното копче кога гласаше за недоверба на кабинетот на Премиерот Никола Груевски.

Сезонски репертоар на македонски јазик:

Римејк на СДСМ-овскиот евергрин: Шо ќе ми е држава, ако немам партија на власт?

Увертира: Поттикнувањето на ДУИ да го напушти Собранието на РМ не само што не ги даде посакуваните резултати за СДСМ, туку, дури ДУИ не гласаше за предлозите на „лицето Б.Ц“ за судскиот совет, иако тоа претходно му го ветил г-нот Али Ахмети. Токму поради ова ситуација на несупешна кохабитација, можеме уште сега да го поставиме прашањето: - на следните претсеателски избори за кого ќе гласа ДУИ? Одговорот на поставеното прашање секако зависи и од идната кохабитација меѓу ДУИ и ВМРО-ДПМНЕ.

Чин први: Непријателот на мојот непријател е мој пријател, секогаш и на секаде. Колаборацијата на СДСМ со г-нот Мендух Тачи за реализацијата на идејата на г-нот Љубчо Георгиевски за „спас на Македонија“ во Велика Албанија, беше со цел г-нот Никола Груевски да оди на средба со г-нот Џорџ Буш како „детрониран“ премиер чија политика нема подршка од мнозинството пртеници во Собранието на РМ. Во СДСМ се надеваа во таа колаборација дека ќе покажат и докажат дека само СДСМ е способен да осигури политичко спокојство во РМ, а всушност се впуштија во акција за која немаат капацитет да ја контролираат. Резултат: пад на рејтингот на СДСМ, пад на рејтингот на НСДП со тенденција кон исчезнување, претварање на ВМРО-НП во „изгубен случај“, а раст на рејтингот на ВМРО-ДПМНЕ и ДПА. Бинго и Џек Пот за г-нот Мендух Тачи.

Чин втори: Во СДСМ сметат дека не може да ги откријат оти играат прикаската: „Волк! Волк!...“, т.е. - ако креваме пискотници од Галичник до Гевгелија, белким ќе почнат граѓаните да ни веруваат.

Чин трети: Пуштање на старата грамофонска плоча: СДСМ се патриотите, а ВМРО-ДПМНЕ предавниците.

Несодветна реакција на СДСМ од резулататите во преговорите меѓу ДУИ и ВМРО-ДПМНЕ. Содржината, евидентраната од „европејците“ и „американците“, за постигната согласност меѓу ДУИ и ВМРО-ДПМНЕ за поставување на дневен ред во Собранието на предлог закони или измени на закони стана достапна за лидерите и на другите партии. А, интелегентната лидерка на СДСМ несоновано го обвини ВМРО-ДПМНЕ дека со ДУИ склучил или потпишал некаков „Скопски договор“, кој, според измислиците на СДСМ, во суштина значел менување на Уставот на РМ. Соработниците и советниците на г-ѓа Шекеринска во случајот секако изумиле дека мнозинството од македонските граѓани не се толку глупави колку што си замислуваат во пропагандниот штаб на СДСМ. За менување на Уставот на РМ еден од условите е иницијаторот да има обезбедено 2/3 мнозинство или 80 пратеници. Не треба да си асистент на Машинскиот факултет во Скопје за да знаеш да собереш 38 + 16 + 11 = 65. Значи, ВМРО-ДПМНЕ со 38 пратеници, ДУИ и ПДП тогаш со 16 пратеници и ДПА со 11 пратеници, при здрав ум и разум, не можат ниту да помислат дека со 65 пратеника можат да го сменат Уставот на РМ. Деновиве изгледа пропагандниот штаб на СДСМ ја разбра народната поговорка: „Брза кучка, слепи кучиња раѓа“ па г-ѓа Шекеринска веќе не се обидува да манипулира со нивната глупава измизлица наречана „Скопски договор“. Затоа лидерката на СДСМ избега од поканата за лидерската средба со г-нот Груевски на која беше поканета пред јавноста „да му го тресне по нос“ нејзиниот „Скопски договор“. Ама, сега не може ниту таа, ниту пратениците на СДСМ да избегат од иницијативата на г-нот Оровчанец за веќе закажаната в понеделник итна седница на Собранието на РМ на која г-нот Грувески ќе го демистофицира „Скопскиот договор“ измилсен од пропагандната кујна на СДСМ.

Не помала грешка на пропагандниот штаб на лидерката на СДСМ беше тврдењето дека имало таен договор ВМРО-ДПМНЕ и ДИУ, небаре законите тајно се носат во Собранието на РМ. Ако беше така тајно како што тврди СДСМ, тогаш за новиот деловник како СДСМ првиот пат поднесе околу 3000 амандмани, а сега околу 2000 амандмани? Дали од ЦИА, дали од КГБ, ѓ-та Шекеринска го дознава „тајниот“ дневен ред на Собранието составен согласно измислениот од неа „Скопски договор“?

Следствено, само по себе се наметнува и пашањето: - кој има „детска градинка“ околу себе, г-нот Груевски, или г-ѓа Шекеринска?

Најзначајните престави од летните партиски игри допрва ќе се одиграт. Сега за сега навистина нема криза на македонската политичка сцена. Сериозните сценарија за унапредување на „конзенсзуалната демократија“ и постановките меѓу ВМРО-ДПМНЕ и СДСМ за повисок рејтинг се играат демократски. Нестрпливоста на странската жири комисија поскоро да го види крајот на овие летни политички игри потврдува дека најпопуларните партии успеваат да ја „држат публиката будна“. Во тоа, освен ДУИ и ДПА, особено се трудат СДСМ и „лицето Б.Ц“ кои секогаш мајсторски играт без било какви национални предрасуди.

Како и во минатото, така и во овагодишната летна сезона на партиски игри, домашната публиката (како позначајна од странската жири комисија), непристрасно ќе оцени кој политичар колку успешно и зошто го одиграл Итар Пејо, Насредин Оџа, Баба Рога, Борат или Мистер Бин.

Види: Есенски партиски игри

16.07.2007 г.

Од воведувањето на повеќепартискиот живот до денес на македонската политичка арена нема поспособен агитатор (да не речем: манипулатор) од Бранко Црвенковски. Тој, со толку малку зборови, умее да каже толку многу работи кои „ќе ги разберат сите“, од полуписмените до оние кои себе се смета за неприкосновени интелекти. Тој е македонскиот транзиционен Гебелс, затоа што, и кога не е исправен во своите постапки, пак знае да печали поени за себе кај дел од јавноста, како што е и сега, со скандалот божем предизвикан од министрите Славевски и Рафајловска при посетата на австрискиот претседател.

Веројатно, високиот гостин со почитуваната делегација од Австрија деновиве престојуваа на покана на Претседателот на РМ, а можеби и на Владата на РМ. Протоколот секако е подготвуван во кабинетот на г-нот Црвенковски, инаку нема друго објаснување за намерната или ненамерната грешка во предвидувањето „под будното око на Претседателот на РМ“ министри од Владата на РМ да потпишуваат догвор во кабинетот на Претседателот на РМ. За неупатениете, или за оние кои не „ситничарат“ за функционирањето на нашиот политички ситем, а сособено за навивачите на СДСМ, споменатиот сканадал е „грешка“ која можела и требала да биде скреиена од високите гости. Но сканалозното узурпирање на ингеренциите на Владата, прикриено со божемна грашка на протоколот во суштина не е само срамна, туку и многу значајна и недозволена работа која разоткрива скриени диктаторски амбиции. Во РМ ние немаме претседателски систем, та поради тоа Претседателот на РМ (како институција) не смее да ја утврдува агендата (дневните активности) на Владата на РМ која како институција за својата работа одговара пред Собранието на РМ и пред сите граѓани на РМ. Впрочем овие одниси меѓу институциие Претседател, Влада и Собрание на РМ се строго определени со Уставот на РМ (колку за потсетување: според Уставот на РМ пратениците немаат обврска да седат во пленарната сала за време на годишното обраќање на Претседателот на РМ во Собранието на РМ, а кај нас се крева џева по ТВ оти пратениците на ВМРО-ДПМНЕ постпувале по своја волја согласно Уставот на РМ кога решиле да не седат во пленарната сала на годишното обраќање на Претседателот на РМ).

Во контекст на срамот што ни го приреди „лицето Б.Ц. при посетата на австрискиот претседател, прептоставувам: прво, ако ова божемна грешка на протоколот на „Б.Ц.“ е направена во времето на премиерувањето на Бучковски, тоа било поради упикувањето на последниот. Второ, ако ова божем „протоколарна“ грешка е направена сега (во кое сум убеден), тогаш нашиот негативен херој на политичката пропаганда во ова подмолна игра, „играл“ токму на македонската етнопсихологија.

Во менталитетот на Македонецот отсекогаш било да му се угоди на гостинот по секоја цена, гостинот никакош да не се стави во срамна ситуација поради домашните проблеми на домакинот (на пример: домаќинот има или нема пари за живеачка не важно, ама гостинот мора да го угости; или друг пример: на домаќинот иако не му е до веселба, се ќе напави гостинот да му биде весел). Правдата и правичноста за многумина Македонци во случајов не е битна, битен е срамот кој е диригиран од домашното воспитанеи, од традиционалните поими за добро и зло.Тоа му е совршено јасно на „Б.Ц“.

Ако навистина од кабинетот на „Б.Ц“ направиле привид во утврдувањето на протоколот, тогаш ако на г-нот Претседател на РМ му биле поважни Уставот и државните работи од неговиот рејтинг, можеше да им се извини на Владата на РМ и на високите гости и потпишувањето на договорите државнички да го следи од ТВ екраните. Ама тогаш, ќе немаше раст на неговиот рејтинг, нели?

„Лицето Б.Ц.“ (непризнат од сите за легитимен Претседател на РМ) како добар етнопсихолог, како одличен познавач на македонскиот менталитет, знаеше дека поради ова „протоколарна грешка“ ќе печали кај дел во јавноста и во двата случаи.

Ако министрите Славевски и Рафајловска отидоа во просториите на „лицето Б.Ц.“ да ги потпишат договорите ќе излезеше: прво дека не им е битен Уставот на РМ, туку упикувањето кон „лицето Б.Ц“ и второ, но не помалку важно, дека некои од министрите од кабинетот на Г-нот Груевски не се согласуваат со одлуката и ветувањето на ВМРО-ДПМНЕ дека Премиерот, министрите и пратениците од ВМРО-ДПМНЕ нема да комуницираат со „Б.Ц.“ надвор од ситуациите за задолжителна комуникација меѓу институциите Престедател и Премиер на РМ и предвидени со Уставот на РМ.

Скандалот при посетата на австрискиот претседател, приреден како намерната или ненамерната грешка од протоколот на оспоруваниот Претседател на РМ, да беше направен дури и од неспорно легитимен избран Претседател на РМ пак не требаше да биде премолчан и скриен во никој случај. Демократијата е еднаквост на сите граѓани пред законот, независно од тоа кој која функција во кој момент извршува. Затоа: браво за Трајко Славевски, браво за Вера Рафајловска, иако не умееја најдобро тоа да го објаснат во јавноста.

Не случајно истиот ден г-нот Макрадули со навредливи зборови го обвини г-нот Славевски дека своето 18-годишно дете си го вработило на „Берзата“, со цел да го дефокусира вниманието на јавноста од намерната или ненамерната „протоколарна“ грешка од кабинетот на „лицето Б.Ц.“



Во Австрија таков „гаф“, или таква „местенка“ да се случеше најблагата казна ќе беше персонални промени во „протоколот“ на претседателскиот кабинет. Ама, ние сме Македонци, гостољубиви, „поважно ни е расположението на гостите“ отколку нашата демократија, отколку почитувањето на Уставот на РМ, отколку достинството на патриотизмот кој не значи упикување никому.  

Синоќа (13.07.2007г.) го гледав г-нот Есад Рахиќ кај Јанко на „Јади Бурек“. Беше вистинско разочарување, со бајати финти се обиде да лови симпатизери: конзервирани југоносталигичари, очајни сдсмовци со заледени желби за монолитната партија, наивци од секаков вид. Покажа и елементарани непознавања од историја, земјоделие и т.н. Најлигаво беше неговото евоцирање спомени за големата СДСМ која била величествена и заради неговата цигла во СДСМ... Се на се, лигав како гол полжав. Се упикуваше на „Василиј од Слатино“, се упикуваше на г-ѓа Шекеринска и „плачеше“ за старите другари, како Наќе Стојановски и други од некогашната социјалдемократска омладина. Се покажа како краен превртливец, кој некогаш се рекламира како екстремен циник, а синоќа како плачко по СДСМ.

На крајот, избегна да одговори на прашањето дали беше исклучен од СДСМ затоа што ја лансира приказната дека транзиционите близнаци Љубчо и Бранко се обиделе со помош на ДПА и НСДП да изгласат недоверба на актуелниот кабинет на Премиерот Груевски. (Да нема забуни, ова визнатиска приказна е вистинска: транзиционите близнаци Љубчо и Бранко се обиделе со помош на Мендух Тачи и Тито Петковски да ги симнат од власт Никола Груевски и коалицијата „За подобра Македонија“.)

Во Струмица, чаталџиството по некогаш се објаснува со изреката: „Топло пиво и ладни ќебапи“. Синоќа Есхо беше како бајат бурек и скиснат јогурт.

Резиме: Според синоќешнoтo „јадење бурек“ г-нот Есад Рахиќ нема капацитет да создаде партија која на следните избори ќе освои барем неколку пратеници. Ако формира партија ќе заврши во најдобар случај како г-ѓата Лилјана Поповска.



Коментарот на г-нот Рахиќ дека г-нот Црвенковски немал волшебна ламба, со чие протријување г-ѓа Шекеринска ќе го реализирала неговото исклучување од СДСМ е прикаски за мали деца. За да биде казнет поради лансирањето на тврдењето дека имало кохабитација меѓу транзиционите близнаци Бранко и Љубчо, не е потребно Аладинова ламба.

Се сеќавате ли на јавниот обвинител Александар Прчевчки? - Човекот кој во контекст на партизацијата на судството самиот се нарече „последната будала“.



Да си припомнеме и на обидот на г-нот Љубчо Георгиевски со византиска итрина да инсталира марионетски лидер на ВМРО-ДПМНЕ. След поразот од „боксерот Груевски“ (т.е. членството на ВМРО-ДПМНЕ), дотогашната „икона на ВМРО-ДПМНЕ“ се „закани“ со неговото практикување џудо во политиката. До каде стаса џудо-политичарот на сите ни е познато.



Од неодамна „се шушка “ дека и актуелната лидерка на СДСМ сакала да се еманципира од нејзиниот партиски папа. Ама, како што кажува г-нот Есад Рахиќ, мнозинството од делегатите на последниот конгрес на СДСМ биле лојални на „Василиј од Слатино“. Од друга страна, според последнита анкета г-нот Црвенковски има рејтинг од 5,7%, а г-ѓа Шекеринска од 1,5%. Веројато г-ѓа Шекеринска сака да биде лидерка на монолитна партија, ама мораше да се согласи обидот на г-нот Бучковски да се еманципира од „папата“ на „свети сдсм“ да заврши со признавање на фракцијата „бучковисти“ во СДСМ.



За нискиот рејтинг на СДСМ, кој среде лето се буди од ланскиот зимски сон, има повеќе причини, меѓу кои е и мнението дека г-ѓа Шекеринска како лидерка на СДСМ е марионетка на „лицето Б.Ц.“.




Секако г-ѓа Шекеринска не сака да биде ничија политичка марионетка. Историјата не познава вазал кој не се обидел да се ослободи од својот господар во моментот кога ќе процени дека во тоа може да успее.

Дали околу 2009 г. ќе има „двобој“ Шекеринска - Црвенковски, сеуште е рано да прогнозираме.

Р.Ѕ.

После предвремените парламентарни избори одржани на 01.06.2008 г. во контекст на горното нема што да прогнозираме.