7.000 (СЕДУМ ИЛЈАДИ) ГОДИНИ МАКЕДОНСКА ПИСМЕНОСТ

3.000 (ТРИ ИЛЈАДИ) ГОДИНИ МАКЕДОНСКА ЗЕМЈА

2.500 (ДВЕИПОЛ ИЛЈАДИ) ГОДИНИ МАКЕДОНСКО ИМЕ

Гледам, прилично блогери се запалиле да прават протест под мотото „ЖИВОТОТ ЌЕ ГО ДАДАМ - МАКЕДОНИЈА НЕ ЈА ДАВАМ!“ Или, со дуги зборови кажано под мотото: „Слобода, или смрт!“ - од Кресненското востание до нашето зачленување во НАТО и ЕУ! Патриотски, нема што!

Плус, секој има уставно право да протестира! Но, не и протестот каде што сака да го организира. А, новите ни Гемиџии на денешниот протест и за тоа воделе сметка. Нема да протестирааат пред бившиот „клинички“, нема да протестираат и на плоштадот „Македонија“, туку на плоштадот „Пела“ - токму пред спомникот на Македонецот № 1 Крсте Мисирков кој на Византијците (Грците) им го призна кумоството за нашето национално име.

Македонецот №1 Крсте Мисирков во 1903 г. пишува: „...народно име, не си измисл"уат народот сам за себе, ами со него го велит саседниiот народ и тоi од него си го земат. Значит наi природно iет народното име за iеден народ да се поiаит у iеден саседен со него народ. Саседните народи iеден кон друг, значит, се iауваат во вид на нунко и кум. “



За оние кои не ја прочитале брошурката на Мисирков „За македонцките работи“ ете неколку извадоци од истата:



Згора на тоа, според неспорниот Македонец № 1 Крсте Мисирков: немаме ниту: 7.000 (СЕДУМ ИЛЈАДИ) ГОДИНИ МАКЕДОНСКА ПИСМЕНОСТ, ниту: 3.000 (ТРИ ИЛЈАДИ) ГОДИНИ МАКЕДОНСКА ЗЕМЈА, ниту: 2.500 (ДВЕИПОЛ ИЛЈАДИ) ГОДИНИ МАКЕДОНСКО ИМЕ!

Кој не верува дека Македонецот № Крсте Мисирков пишувал такви глупости, ете му линк: „За македонцките работи“.

Една македонска народна мудрост поучува: „Со деца на бања не се оди, сапунот ќе ти го изедат!“. Затоа запаленсковци, мрш на плоштадот „Македонија“ - таму да го браните името ни, ем вековно, ем милениумско! И немој некој будала да се самозапали во знак на протест како оној Чехословак кој се самозапали през 1968 г. во својата борба против советската окупација!



P.S. - до совремниот антички Македонец кој во името на „уставното ни име“ се обидува да си подигрува со мојот „РС“ (ПеЦе) во својот хакерски римејк на филм „Патриот“,

г-не Незнајко, јас со моето семејство сум по митинзи и протести од првиот митинг пред грчкиот конзулат во Скопје кој се одржа пред 18-19 години, а тогаш Вие веројатно сеуште сте се мочкале или какале во пелените, или пак сте си играле на куклички и автомобилчиња во некоја детска градинака.

На следната фотографија, е моето семејство на протестот во Дојран одржан пролетта на 1990 г. На транспарентот е преставена (прецртана) оригиналната корица на букварот наречен „ABECEDAR“ напечатен през 1925 г. во Грција, од нејзината влада, а кој никогаш не влегол во употреба за нашите ученици по грчките училишта., туку и послужил само на официјална Грција да ги изигра од неа превземениете меѓународни обврски за паризнавање на правата на националните малцинства согласно Севрскиот Договор и Лозанската конференција. (Можеби г-не Незнајко, Ви е позната историјката на тој Данајски дар, можеби не. Не е мое да Ве просветувам. Мое е, ако сакам, или не, согласно Уставот на РМ, да регирам, или не (по личен избор), кога сензнајковци, или незнајковци и фашизоидни патриоти, во името на целата нација прават национални работи со кои не се согласувам, или пак се согласувам.).